Bank of Baroda Sukanya Samriddhi Yojana 2026

Kendra Sarkar aur Bank of Baroda dwara betiyon ke ujjwal bhavishya ke liye Sukanya Samriddhi Yojana scheme chalayi ja rahi hai jiska uddeshya girl child ki higher education aur marriage ke liye financial assistance pradan karna hai. Yeh scheme Beti Bachao Beti Padhao campaign ke tahat 02 December 2014 ko shuru ki gayi thi taaki har parivar apni beti ke naam par choti-choti bachat jama karke ek bada fund taiyar kar sake. Bank of Baroda ke kisi bhi branch me jakar parents ya legal guardians is account ko asani se open karwa sakte hain.

Is scheme ke tahat khata khulwane par account holders ko 8.2% per annum ka attractive rate of interest milta hai jo har saal ke ant me account me credit kiya jata hai. Sarkari savings schemes me se is scheme par sabse behtar interest rate diya jata hai jo quarterly basis par Government of India dwara revise hota hai. Iske sath hi deposit karne par Income Tax Act, 1961 ke Section 80C ke tahat double tax benefits aur maturity amount par tax chhoot ka fayda bhi milta hai.

Sukanya Samriddhi Yojana me account open karne ke liye minimum initial deposit amount sirf Rs 250 rakha gaya hai jise har financial year me jama karna zaroori hai. Ek financial year ke dauran account me minimum Rs 250 se lekar maximum Rs 1,50,000 tak ki rashi jama ki ja sakti hai jo 50 rupaye ke multiples me honi chahiye. Yadi kisi saal minimum deposit nahi kiya jata hai toh account default ho jata hai jise Rs 50 ki annual fine aur minimum deposit dekar regularize kiya ja sakta hai.

Age limit aur eligibility ki baat karo toh Bharat me rehne wali 0 se 10 saal tak ki aayu ki girl child ke naam par yeh account unke parents ya legal guardians dwara khulwaya ja sakta hai. Ek parivar me maximum do betiyon ke liye account open kiya ja sakta hai, lekin yadi pehle ya dusre delivery me judwa ya triplets betiyan paida hoti hain toh affidavit aur birth certificate submit karke teen accounts tak kholne ki vishesh suvidha milti hai.

Is account me deposits open hone ki date se lekar total 15 saal tak continue kiye jate hain jabki account ki total maturity period 21 saal hoti hai. Jab tak beti 18 saal ki nahi ho jati tab tak account ko legal guardian ya parents dwara operate kiya jata hai aur 18 saal pure hone par account operation beti ko transfer kar diya jata hai. Is yojana me best returns pane ke liye har mahine ki 5 tareekh se pehle deposit karne ki salah di jati hai.

Betiyon ki higher education ke liye scheme me premature withdrawal ki suvidha bhi shamil hai jisme account balance ka maximum 50 percent tak nikala ja sakta hai. Yeh partial withdrawal beti ke 18 saal pure hone par ya uske 10th standard pass karne ke baad education purpose ke liye allow kiya jata hai. Iske alawa yadi beti ki aayu 18 saal hone ke baad uska vivah hota hai toh marriage proof dikhakar account ko prematurely close bhi kiya ja sakta hai.

Special circumstances me jaise account holder ki durbhagyavash death hone par ya account khulne ke 5 saal baad extreme medical emergency ya guardian ki death hone par bhi document proof ke sath premature closure ki anumati di jati hai. Saath hi yadi parivar kisi anya shahar ya state me shift hota hai toh residence proof dikhakar is account ko Bharat bhar ke kisi bhi bank branch ya post office me transfer karwaya ja sakta hai.

Account open karne ke liye candidate ko Sukanya Samriddhi Registration Form ke sath girl child ka birth certificate, depositor ka ID proof, residential proof aur stamp-sized photographs jama karna zaroori hai. Government Savings Promotion General (Amendment) Rules, 2023 ke anusaar sabhi new aur existing customers ke liye Aadhaar Card aur PAN Card ya Form 60 submit karna mandatory hai.

Aavedan karne ke liye candidate apne nazdiki Bank of Baroda branch me jakar registration form prapt karo, sabhi jankari dhyaanpurvak bharo aur required documents attach karke initial deposit Rs 250 jama karo. Maturity ke samay balance aur pura interest prapt karne ke liye SSA withdrawal form, identity proof, address proof aur age proof branch me submit karna hota hai.